مقتطفات شعرية للأمير بدر بن عبدالمحسن

بسم الله الرحمن الرحيم
اترككم مع مقتطفات الشاعر الكبير
.ردي علي الصوت ..ردي حياتي ***صمتك على شكوى حنيني ..مذله
اما اقطعي حبل الوصل ..بالنجاتي ***والا عطيني باقي الود ..كله
لا توعديني .. عذب الصبر ذاتي ***والبعد حالي مع عنا الوجد سله
اشكي الجفا لك .. ما شفيتي شكاتي *** الوعد الأول للقا ..فات حله
يرضيك يصبح شملنا.. للشتاتي ***يرضيك نرضي ..كل نفسٍ مغله
يرضيك لا فرحوا بهمي عداتي ***واقفوا يقولون .. الغضي عاف خله
ردي علي الصوت .. يكفي السكاتي ***قولي لغيرك ماهفا القلب للّه
.............................
بقول احبك وان عقدتى الحجاجا***لا قولها ثنتين واربع مع خمس
ويسعد صباحك يابعد كل ماجا*** وماراح من شكرا وانا في رجا الشمس
...............................
اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
...............................
أهواك لي فوق الشواهيق رايات ***وعلى حصون الياس تزحف جموعي
واهواك ورقاب المغلين محنات ***واننتي المزين تنتخيني فروعي
واهواك مراتٍ .واعاتبك مرات***بالله ..لا تبكين بردي وجوعي
...............................
قال السراب وقلت ظامي لسـرابه***قال الهلاك وقلت لعيون الاحباب
يا لايمي في حب متـرف شـبابه ***الموت حق ولاتبـرق بالاسباب
كانه ذبحني صـاحبي من عـذابه ***ماابي لدمي يا هل اللـوم طلاب
...............................
ذلني الشوق يالقاسي اللطيف ***ولحظة الوصل .. من صدك تخاف
انا قلبي .. جناحٍ له رفيف***يتبع الشمس في الريح الصلاف
للوعد جيت من لون الخريف ***وللوعد جيت من طعم الجفاف

شاعر غني عن التعريف
شكر لختيارك ونقلك المميز

نورة الموضوع بوجودك
يسلمووووووووووو

كلك ذوق
تقبل مروري

كلش منك حلو كيف ماتجي الابيات حلوه
مشكوره تقبلي مرورتي

الحلو عيونك تسلمي على المرور